شونكم زينين عساكم موزينين
اليوم جاني كابوس مو حلو بالنوم كولش مو حلو حته ضليت اصيح وشككت اهدومي من وره هذا الحلم
هسه واحد فظولي وحشري ومعنده ذوق ويدخل ويكول شنو هذا الحلم او الكابوس
اول شي اكله نته شعليك من الله يطيح حض اليسا وروبي
بس خاف يتوسل بيه ويكلي فدوه ويدنك يمسح حذائه مو حذائي لا تفهمونه غلط الي يفهمني غلط خلي يطلع بره
اكيد راح يكسر خاطري واسولف الحلم او الكابوس
ليش محلمت ببنيه لا هيه طويله ولا هيه كصيره ولا هيه بيضه ولا هيه سمره ولا هيه عاقله ولا هيه مخبله وشعرها لا هو اسود ولا هو اشكر يعني مشكل يا لوز
جان نكعد سوه تكلي نته شسمك كلت الها نزار تدنت يمي لزمت ايدي اني مكدرت هم لزمت ايدها جان تكلي ليش متحجر اديك وصخات ليش متحجرهن
كلت الها ما اعرف احجر نتي تحجرين كالت اي احجر
جان تمد ايدها على شعري تكلي نته بيك كمل ؟
كلت لا اني مبيه بكمل بس صواب
وبالخير مدت ايدها على جيبها جان تطلع الي الفين ونص وتكلي روح شتري صابون وغسل راسك
اني مجذبت خبر خذت الفلوس ورحت دكيت الباب طلعت بنيه كلت الها بيش الصابون كالت بالف
نطيني صابون كالت مالوحه فوك الكنتور دخل
اني مجذبت خبر دخلت كالت لا تخاف محد بالبيت بس اني
هسه واحد فظولي وحشري ومعنده ذوق يكلي هاي كلها بالحلم اكله اي ومرض خلي اكمل
لا تطفي الكهرباء
جان ادخل كالت هذا الكنتور صعدت وعيني عليها كالت لا توكع كلت الها تخافين عليه كالت اي اكيد
كلت الها حته اني هم اخاف عليج
جان تضحك وتطلع سنونها كلت الها الله حلوه سنونج
ضحكت طلعت سنونها كلها حته رحتها مدوده بيها سواد هم شفتها
كلت بيني وبين نفسي هاي يمكن حبتني
جبت الصابون كالت شسوي بالصابون مو زين عليك ستعمال الصابون هواي
كلت الها الصابون زين احسن من ماكو
وجان توكع العلبه مالت الصابون ودنكت على العلبه وجان تدنك وياي لزمنه العلبه سوه كلت الها عوفي العلبه
مو شتريتها لو تردين تقصفين عليه بنت الاوادم هجي هجي منج ولطمتها على عينها راجدي جان تكول اخذ الثاني
ضربته راجدي ثاني وجان تكلي بعد كلت الها نتي متشبعين راجديات
وظليت الطم بيها راجديات لمن كعدت
الحاصل اني اليوم اريد اخطب مليت من الكوابيس ومن الاحلام منو يختارلي عروسه خلي يدخل