قصيدة عادل الخطيب

مجنون اتبّع اثـــــــــــــارك
بيا بقعه اتعيش اترجّـــاك
محجوب وطالت هالغيبه
اشتتوقع اكدر انساك
فتشت اعليك بكل دير
وبكل وادي صرت انخاك
اوحوش البيده اتحن لخيالك
وحتى طيور الجو تهواك
اتخطه اسهول اتخطه اجبال
من كهف الكهف اتعنّاك
كل ليله اتخطه الغابات
وحشه وحزنانه بليّاك
متعطشه الالباب الجودك
يمته اترويه بيمناك
كل ليله اتشبح لهلالك
ما بين الاف الافلاك
عن كل نجمه اسالت اعليك
عنه مخفي سر ماواك
نجم اسهيل اينوح بعبره
لن مثلي ايحن الفركاك
ونجم الزهره اتهل دمعاته
ايفتش عنك ما يلكاك
حتى المريخ اتعنيته
ساهر مشتاك النجواك
حتى العرش اعليك اسالته
ناح وما يندل مسراك
اطرقت ابواب الجنه اتكلي
غاب وما تعرف مثواك
مغرم بيك وما اتحمل
يمته اتعانق انه وياك
دم دمعي ينزف متلاهب
من اجفوني التتفدّاك
يا سر موسى وحكمة ربنه
يا من عيسى مثله اخفاك
يا من نوح ومثلك عمّر
حي الهل اللحظه خلاّك
ادريس الخطط كل منهاجك
راد ايوضح كل مسعاك
وداوود اللي حدّه السيفك
كام وشال السيف انطاك
ادم والخضر وكل مرسل
يتامل ترفع للواك ( لوائك_ رايتك )
كل حرف من احروف المصحف
مهجور وبسمك ناداك
يتنطر تنهض واتنصره
امغيب متروك ويتناك
حتى الوحي ايعيش الغربه
صابر متالم لولاك
ا يالمهدي ابيش اتصبر
ومثلي لن مجموره احشاك
اكطع حبل الغيبه وعجل
حاشاك اطول حاشاك
ادرك موروثك يالمهدي
وامحي كل مفسد شكّاك
لا تترك ديار بداره
واصلب كل طاغي وافّاك
واصلب كلمن عادى العتره
وكل وهابي اللي عاداك
نور هاي الدنيه بنورك
وزيح الظلم اللي جافاك
انصر هذا الدين وشرعه
حياك الباري حياك
ملينه الذل يا مهيوب
ما نهتم ما مليّناك
يمته الصيحه اتهزّ العالم
وبمكه نلتم اهناك
نرخصلك دمنه وكل غالي
دمنه فدوه الكل ادماك
تطلع والعالم يتغير
وتنزاح الغيمه البسماك
كل عاشك بسمك يتنغم
وكل شيعي بعهده وافاك
سبحان الخلاق العالم
سبحان الرب السوّاك
بيّن اسماء الله الحسنى
ونور العصمه ربنه انطاك
اكنوز العلم بجفك تسبح
علّاك الخالق علّاك

شكراااااااااااااااا علي برشلونه

يسلمو على الموضوع الجميل

شكرااااااااااا عالموضوع

يسلموووووووووووووووووووووووووووووووو

يسلموووووووو