*AMEER^GHALIB* مدير المنتدى
عدد الرسائل : 457 العمر : 32 الموقع : BABIL-IRAQ العمل/الترفيه : عألأساس طالب المزاج : بس حسي بيه علم الدوله : تاريخ التسجيل : 10/01/2008
البطاقه الشخصيه sms للمنتدى: نشاط العضو: (100/100) الوطن:
| موضوع: قصة تشكشك من الضخك الإثنين فبراير 11, 2008 10:38 pm | |
| يابه ترى يكلك ثلثين الولد على الخال والماطور كتال صاحبة .... اما بعد : السلام الجمهوري العفو السلام عليكم شونكم؟موزينين؟ منو ؟؟ماكو وطني؟ليش هية من شوكت اكو؟؟؟؟ المهم تعالو اقرو هاي الحجاية : البارحة ساعة بال 7 العصر (عصر لو فيات؟هع هع) جنت كاعد أبمركز (مو مال شرطة ولا مال زوراء) مركز نت المهم ,,, اجة علية الضابط اهوو يا ضابط اقصد ابو المركز و كللي يابة ترة ورة نص ساعة انعزل اني هم بعت ويا ثولان كتلة ليش اتعزل ؟عود ما ادري بالظروف ال.....المهم... كلي لا مو معزوم وية القائد اكسا اب حفلة اب لايلاند و يادوب الحك استقل كيا متوجهة الى هناك كتلة اوكي(كتلة لو كثافة؟هع هع) و كلت خلي منا اشوف رصيدي حتى اذا ايكفي افتح بالليل اشو طلعلي عل موقع مال اوروك(خوش موقع ركن و عل شط) اعلان الى مستخدمي كارت الاوروك بصراحة اني علاقتي بالتفائل كلش قوية يعني ميانة زفرة(ميانة الحناوي ؟عهع) ف كلت بلكت ضايفين عال رصيد شي منطين 5 لتر بانزين حنين للمشتركين او ديوزعون وية الرصيد شخاطات هم ميخالف ,,المهم دعبلت الماوس على اعلان و طكيته اب enter خرافي بحيث شكو واحد كاعد بالمركز صحة و جان اشوفلكم ال**يبة(يبووووووووووووووووووووووووووووو) و طكيتها بعيطة بنص المركز ابو المركز جاني ركض عبالة واحد من كرايبي انعلس عبالة انّتلت بالماوس كللي ابني شبيك طكيتة اب معليييك خطية فشّلته صغر اكثر اكثر و اجمالة واحد خبيث من اخر حاسبة طكه اب خخخخ صّغره بالزايد المهم شفت انه الكارت ابو ال 8 و ربع صار ب 10$ صدك؟جذب؟كلت خلي اخابر عال شركة استنفسر منهم طيط طيط ............ ...طيط طيط............ ..طيط طيط -شركة اوروك اتفضلو؟؟ -سلامن علييييكم شونك عمو وج و كفة؟ -شرايد ابني؟ -هاي شنو عمو؟ مو دعبلنا ال سلامن عليييكم جا غير اترد؟ -ابني دعبلنا شنو؟شنو عندي طنب اني؟؟؟ -هاي شنو عمو ؟لازم انتة لاعب بالمنتخب الوطني مال الدعبل بس الظاهر احتياط لأن ما شايفك اتزط...صدك وقعت وية ريال تبريد سنتين ؟؟؟ -ابني هاي اشدا تحجي؟؟؟شرايد؟ -شرايد لو مجلات؟ -ابني منوانتة و شتريد فضني -عمو عمو عمو عمو اكلك عندي استنفسار -شنوووو؟ -أستفسار -اي اتفضل -لا تسلم عمو توني متغدي -ابني اتفضل يعني كول شتريد مو اتفضل دا اعزمك علة زقنبوت -زقنبوت و بسطال هع هع (ما احجيلكم يمكن هذا خطية راح اتصير بيه جلطة من وراية) او على اقل تقدير جلطة دبلوماسية كيفما هوة ذاك أذن -ابني ترة اني عندي سكر احجي شنو استفسارك؟؟ -عمو عمو عمو اني عندي تيستي و مي نتفق على يوم انسوي عصير؟ -لك يا عصير؟؟؟؟ -عصير شمة هع هع -ابني انتة امبين عليك فايخ -اي عمو فايخ و نفسي دا تلعب يمكن حامل -اللهم طولج يا روح ابني دخيلك شرايد شنو احد دازك علية احجي عاد -عموعمو انتو صدك امغلين الكارتات مال كركوك؟ -ابني اسمها اوروك -اي عمو هيةهاي ليش ا**عديها؟؟شنو هم الكاز؟ - لا ابني يا كاز بس هية التعليمات هيج -زين عمو عمو عموووو -وياك ابني وياك هااا؟ -زين عمو عبالي انتحرت شي ترة ما تسوة والله(تسوة مال سبح)هع هع حلوة مو عمو؟؟بس خشمها طويل -ابني ما اتكللي انتة شنو مخبل؟ احجي فظنيي ولك ترة هسة اجيك والله -عمو انتة هم كارع من طاسة الهمبلة بس مو مهم ...... زين عمو اني ما عندي فلوس اشتري يصير افتح عال دين؟؟؟ - ابني شنو عال دين؟ليش هوة كارت لو دا تشتري باكيت اسبين من الجمبر اللي أبصف بيتكم؟؟؟ عيب عمو اذا ما عندك فلوس لا تشتري - عمو لعد شون احجي وية المرة؟مو اتطيح حظي -عوف المرة -و اذا اعوف المرة المن اصادق اصادقك الك عمو ؟؟شون يصير - ابني ترة اني مريض كافي اتداهرني -عمو عمو اريد كارت ابو ال ثلث ساعة بس اريدة سر مهر فدوة و اذا ماكو اريد شخاطة يلله ملازم كارتات زين عمو ممكن اربط عال ترفك لايت كيبل للمودم احتمال احصل خط حتة لو اخضر هم ميخالف و .......هاي شنو؟؟؟شبيك عموو؟ -اخرة بيك و خرة بالمرة و خرة اب اوروك الله ايشيلني نعلى على يوم اللي اشتغلت بي هناك خرة بهالعيشة (عمو اتهستر صار عندة استكماتزم بل جلوة و تذبذب بال**ران الاحول)بس لييش؟مدا اعرف نعلة على هل يوم الاغبر اشجاني و شلت السماعة (عمو بعدة دا ايسب و ايقسم بشرفكم اني ضوجتة اب شي؟؟؟؟؟) - الووو -........... ... -عمووووووووو الوووو -.....طاح طاح طاح -عمو دا تنتحر؟؟من اتخلص دكلي مس كول ............ ......... ......... ......... ......... .. ......... بشرفكم بشرفكم اني سويتلة شي؟؟؟؟؟؟ :
تحياتي مو اتضحك يلا ردو وكلولي | |
|
*medo* مدير المنتدى
عدد الرسائل : 773 العمر : 33 العمل/الترفيه : يكولون طالب المزاج : هأدئ علم الدوله : تاريخ التسجيل : 10/01/2008
البطاقه الشخصيه sms للمنتدى: نشاط العضو: (0/100) الوطن:
| موضوع: رد: قصة تشكشك من الضخك الأحد أبريل 13, 2008 2:09 pm | |
| | |
|
احلى بصراويه مشرفه
عدد الرسائل : 851 علم الدوله : تاريخ التسجيل : 12/01/2008
البطاقه الشخصيه sms للمنتدى: نشاط العضو: (0/0) الوطن:
| موضوع: رد: قصة تشكشك من الضخك الأحد أبريل 13, 2008 4:27 pm | |
| | |
|
*AMEER^GHALIB* مدير المنتدى
عدد الرسائل : 457 العمر : 32 الموقع : BABIL-IRAQ العمل/الترفيه : عألأساس طالب المزاج : بس حسي بيه علم الدوله : تاريخ التسجيل : 10/01/2008
البطاقه الشخصيه sms للمنتدى: نشاط العضو: (100/100) الوطن:
| موضوع: رد: قصة تشكشك من الضخك الإثنين أبريل 21, 2008 6:41 pm | |
| | |
|
بنت بغداد مشرفه
عدد الرسائل : 3026 العمر : 29 الموقع : iraqisworld العمل/الترفيه : طالبه المزاج : good علم الدوله : تاريخ التسجيل : 02/04/2008
البطاقه الشخصيه sms للمنتدى: نشاط العضو: (0/0) الوطن:
| موضوع: رد: قصة تشكشك من الضخك الأربعاء مايو 07, 2008 11:43 am | |
| ههههههههههههههههه خطيه ابد كلشي مسويتله شكرااااااااااااااااااااااااااااااااااااااا | |
|