قصـــة السينـــدريـــلا نــانســـي عجــــرم
زوجة الاب : نانسي يلا كعدي يا ام الاه و النص
نانسي : شنو يا زوجة بابا خمسه دقائق اخطف حلم سريع بس واكوم
زوجة الاب: كومي كامت قيامتج ان شاء الله
وكعدت نانسي وهى بتأفأف
زوجة الاب : يـاله كومي كنسـي ومسحي على ما نجي
نانسي : وانتو وين رايحين ومتزوكين هيج وكل وحده مسوية نيو لوك
زوجة الاب و بناتها هيفاء و اليسا : رايحين حفله الامير حسام الرسام اللي راح يختار وحدة علمود يتزوجها
نانسي: أخذونى وياكم اريد اروح وياكم عفية اليسا هيفاء قنعو امكم اه اه اه
زوجة الاب : شعندج رايحة ويانة بملابسج الوسخة ونعالج لمكطع تريدينهم يطردونه من الباب
وراحت زوجت الاب وبناتها اليسا وهيفا وظلت نانسي تتبجبج
وفجــأه طلعتلها ســاحره
الساحره : شبيج يا نانسي ؟
نانسي : جان ودي اروح وياهم الحفلة مالت حسام الرسام بس ملابسي مكطنة وموبايلي ما بيه رصيد و قندرتي طالع صبعي منه
الساحره : ولا يهمج
وطلعت الساحرة من جيبها الدبدوب 6600 وخابرت الخياط حتى يخيط لنانسي فستان حلو وحذاء اخرموديل فرحت نانسي ولبست ملابسها الجدد وحطت الريحة والدهونات هاي الي تطلع بmbc
بس الساحره كالتلها : كدامك للساعه 12 لازم ترجعين والوقت كالحبل ان لم تقطعة ربطك ودهربك وكعد يخنك بيج
انا دمي حامي وما عندي بنات تتأخر
و اذا اتأخرتي راح ترجعين لملابسج القديمة كدام الناس
نانسي : ok
نانسي من البيت لكت الساحره مجهزة سيارة هوندا ركبت وراحت للقصر
ولفت جمــالها كل اللي موجودين و اول ما عين الامير طاحت عليها راح -وطلب يركص وياها
و وافقــت نانسي عجرم وكلتله : انته شنو
كال : انا شروكي يايمه
نظرات ... همسات .... صمــت ........ حــــب
وصارت الساعة12ونانسي ملتهية تركص وية حسام الرسام دكت ساعة القاعة
طن..............طن
شافت نانسي الساعة ب12
وراحت طكتها ركظة للبيت وية ما جانت تركض طاحت فردة من قندرتها واخذها حسام الرسام و صاح للوزير
الامير : يا وزير كاظم الساهر
الوزير : امرك مولاى
الامير : اخذ القندرة و اسحب صورتها بالسكانر
و نزل صورتها بكل الجرايد و عالويب سايت مالت ال اف بي اي وعلى قناة ميلودى هيتس و روتانا كليب
واكتب الى صاحبه هذه القندرة التوجهه للقصـر الملكــى فوراااااااااا
بنات كثير جدا راحوا والقندرة ما اجت على كد وحدة منهن يعنى نانسي مقاس رجليها رجل صخلة )
وبعدها شافت نانسي الاعلان عن فرده القندرة على ام بس سي 2
وراحت ركض لقصر الامير وتزوجت حسام الرسام ونزلولهم دويتو شوفوا هسه جاي يطلع على ميلودي..............
وهيفا واليسا ظل وجههم فااااااااااااااااااااهي
موضوع: قصة السندريلا نانسي والامير حسام الرسام 
الجمعة أبريل 18, 2008 3:03 am
