امي الودعتني بالليل
*******************
باول خطوة بدروبي الغريبة
طلعت خصلة شعر .. كالتلي يبني هاك راسي وشوف شبيه
هذا يبني اللي جنيته من الربه وليل السهر وتكلي صبري
صبري يا امي الحبيبه
ولك من تروح من ايدي وتسافر.. شلون اشوفك بعد يبني
والصبر من وين اجيبه
خايفه تنساني يبني او خايفه بغيبتك تلفيني المنيه والكلب يكثر نحيبه
يبني يسباح كلبي ..هاك كلبي اللي يحبك حطه مابين الملابس والحقيبه
او هاك اخذ عيني ودمعها..او هاك روحي ..او هاك شيبه امن الكصيبه اطلعت
واعيونها وخطواتي تبجي وخذت حفنة تراب من كاع العروبة ..والكلب شب بلهيبه
هناك لن صوت الخسر يدوي ابجفاي .. ها ضايج جنك عفتني امكبعه بثوب المصيبه
ها ضايج .. جنك نسيت شكد تعبرني وايدك شابجه بايد الحبيبه
ها ضايج .. والعبره خنكت جلمته والشوارع كلها تتلفت عليه صاحب يودع صحيبه
او هذا المحجر محفوره بي كل ذكرياتك والتواريخ العجيبه
ضايج .. ديراعيونك لشاطي دجلة وشوفه يبجي اعليك بدموع المحنه ومحنته كلش رهيبه
ضايج .. شوف النخل حدب مثل ابوك اوجان عالي الراس بيك وانت هيبه
ضايج .. وعيون الفات عليك يجرن والسنابل عوشن واظلمت الدنيا الرحيبه
والعصافير التزقزق جلجلت بعشاشها اليوم العصر تبجي على القرر الغيبه
اوهاي خطوات الطفوله .. المدرسة .. وكل اصدقائك .. كتبك .. وكل الملاعيب القديمه يبجن .. وامك تنادي يبني در ثديي بحليبه
رد ولك ماتلكه بالدنيا جوره .. ولا وطن مثل العراق الكله طيبه
ولا وطن مثل العراق الكله طيبه
اووووووووووف يايمه
موضوع: امي ودعـــتني اوووووووووف ياايمـــــــــه 
الإثنين مارس 31, 2008 7:05 am
