يالخدك شذر وشفايفك ياقـــــــــــــــــــوت
وعيونك عسل وادري العسل وصفــــــــــه
بس بعسل عينك شي غريب الكيــــــت
ينصاب التخزره بلحضته ويشفـــــــــــــــه
شاميه وحوت من الجمال اشكـــــــــــال
بس شكلك جذب محد وصل طرفـــــــــه
حواجب عمي عندك لو سيوف اثنيــــن
يا فكر التلوحه وبيـــــــهن تخطفـــــــــــه
يضل مكابلك مايمشي ثلث سنيـــــــن
واذه تسئله على اسمه يكول ماعرفـــه
ورموشك جنح فراشه نعســـــــانــــــات
الف هنياله بين رموشـــــــك اليغفــــــه
يالركبتك لؤلؤ ليهه لو صديــــــــــــــــــــت
اذوبن شمع يمــــــك واحترك واطفــــــــه
سبحان الرسملك وجهك وســــــــــــواك
اضن ست اشـــهر الله يسوي بالشفــه
ســــواك بمكان الشمس راد تصيـــــــــر
بس شاف الشمس زعلانه منكسفــــه
كسرت خاطره وفوك الارض خــــــــــــلاك
تعكس عالكمر لن نوره ما كفــــــــــــــــه
ارسمك ردت مره وجبت كومه اقــــــلام
وعندي ويه الرسم من الزغر حرفــــــــــه
وكمت ارسم واشكك واحرك ومحتــــــــار
لن عنــــــــك معاني الصوره مختلفـــــــه
واخيرا ويه كلبي تباصرت بسكـــــــــــوت
كل عقلك كلتله مصــــــــــــدك توصفـــــه
يمعود دبطل دنعـــــــل الشيطــــــــــــــان
غير اللي براسك شوفـــــــلك صرفـــــــــه